“NOSAS SON AS INTENCIÓNS DE SER BUGUINA, MAIS DE VÓS DEPENDE LEVALA Á ORELLA E ESCOITAR...”

Atopaches algunha vez unha buguina na praia e pegáchela á orella para sentir o harmonioso devalar das ondas do mar? Nas páxinas de O son das buguinas o que sentirás será a bravura dunha tsunami, e as consecuencias que tivo entre os máis desfavorecidos do planeta.
Coas palabras do título deste artigo, o colectivo Implicadas/os no Desenvolvemento (IND) dá paso a sete relatos doutros tantos autores galegos que nos achegan historias reais e ficticias dos que viviron a devastadora onda o 24 de decembro de 2004.
IND é unha Organización Non Gobernamental que traballa no sur da India e Etiopía (entre as zonas máis pobres do mundo). Todo o seu persoal é voluntario. Non se adican á caridade. Preparan as mulleres das zonas afectadas para que elas mesmas teñan a capacidade de decidir mantendo a súa dignidade. Elas encárganse das clases de alfabetización, do seguimento sanitario e da organización de grupos de aforro.
“O noso traballo é o de ser BUGUINAS que transmiten a voz das persoas que normalmente non a teñen. Somos as BUGUINAS que recordan a necesidade dun cambio de forma de vida no Norte para que as poboacións do Sur poidan ter acceso a unha vida digna”.

Nós tamén queremos ser altofalantes desa conscienciación. Atoparedes O son das buguinas na Nosa Biblioteca. O libro achega un DVD cun vídeo documental da tsunami e un xogo de sensibilización. Lede, vede, e escoitade con moita atención.