Sesquipedalismo

Ao fin, outra volta Internet na casa. Aínda que esta semana, coa leria das correccións de exames e as avaliacións vai quedar pouco tempo para enredar. Pero sempre se encontra un oco para dedicarse a tarefas inútiles como o sesquipedalismo, que non é un vicio inconfesable senón que se vén empregando para denominar a busca da palabra máis longa. (Do adxectivo sesquipedal: "pé e medio de longo"). Tamén designa o emprego abusivo de palabras ampulosas e desmedradas no canto das máis sinxelas e correctas. Por exemplo, o "inicializar" dalgúns programas en vez de iniciar ou comezar.
En galego ou castelán non chegamos ás posibilidades doutras linguas nas que a aglutinación parece non ten máis límite cá imaxinación. É o caso do clube vienés da preguerra denominado en alemán:
Donaudampfschiffahrtselektrizitätenhauptb - etriebswerkbauunterbeamtengesellschaft
(Clube de funcionarios subalternos da oficina principal da administración de servizos de vapores eléctricos do Danubio)
Ou do supostamente en sueco: Nordöstersjökustartilleriflygspaningssimu - latoranläggningsmaterielunderhällsupp - följningssystemdiskussionsinläggs - förberedelsearbeten (Traballos preparatorios para unha aportación ao debate sobre o mantemento do subministro de material de simulación de alarma de aviación na parte noreste da artillería costeira do Báltico) ?
Entre nós dáse como a palabra máis longa recollida no DRAE electroencefalografista (23) da cal podemos derivar outras como electroencefalográficamente (27).
E a palabra por composición máis longa empregada na literatura galega debe pertencer sen dúbida á novela O porco de pé de Vicente Risco:
Repúblicorrevoluciosocialsindicalagroanárquicomunista
.
Para arrasar no Scrabble.

Categorias: Curiosidades

Escrito por: Serafín

Comentarios
Antonio dice:

16-03-2005 00:00:32

Tenemos una ciudad en Inglaterra que se llama: Llanfairpwllgwyngyllgogerychwyrndrobwllllantysiliogogogoch. Algo así como: La Iglesia de Santa María en la cavidad del avellano blanco cerca del rápido remolinos y la Iglesia de San Tisilio de la caverna roja. De una forma excepcional se acepto en Internet los 58 caracteres de su dirección Web. ¿Sabéis como se llaman los nativos de esta ciudad? Yo propondría sesquipedalistas ;)

Web: http://

Catuxa dice:

16-03-2005 12:14:21

Descubrin ese tremendo término, leendo un pequeno libro estupendo chamado EXLIBRIS de Anne Fadiman, adica un capítulo enteiro a explicar como desde nena xogaba coa sua familia a atopar a palabra mais longa.

Web: http://deakialli.bitacoras.com/