Hoxe comezamos os nosos Roteiros polas Bibliotecas Escolares Galegas na Escola Unitaria de Vide. E aínda que Toño, un dos membros fundamentais do GBI,
non puido vir (disque está nas Canarias por motivos laborais!!) a compañía non puido ser mellor. Nesta ocasión pasamos de tres a cinco e connosco estiveron Beni, Carmela e Gina. Sobre a unha e media do mediodía, nun marabilloso día de sol, chegamos a "As Neves" (O Sol do Condado) onde nos recibiron Sabela e Lourdes. Mentras facíamos tempo para comer e despois de admirar unhas magníficas vistas, Sabela dounos unha lección maxistral sobre a arte da pesca da lamprea, de como se seca, das distintas maneiras de preparala, disque se pode guisar, rebozar, ponse tamén á prancha e por suposto rechea. Máis chegado ese momento decidimos ir xantar. Que fame tiñamos!!! 
E chegou a ansiada lamprea acompañada dun magnífico Alvariño. Preparáronna rechea, estaba exquisita. Gustounos tanto que xa estamos desexando que chegue a temporada para ir probar a lamprea verde, pero esa será outra historia...
Ás cinco, rematada a comida e logo dos cafés e dunha conversa moi agradable, xa se sabe bibliotecas escolares, clubs de lectura, encontros..., saímos para a ESCOLA, porque eso é o que é, unha ESCOLA con maiúsculas. Unha escola unitaria como as que xa non quedan. Unha escola onde o "currículo" tamén o marca unha rá que aparece unha mañá polo patio, a viña que está ao carón da escola ou calquera outra circunstancia que motive aos pequenos. Unha escola cunha biblioteca, a Biblioteca "A Dúas", que é o motor arredor do que xira non só a vida da escola, senón tamén a vida cultural do pobo. "A Dúas" é o punto de encontro onde os veciños se xuntan cada xoves para ver unha película ou para calquera outra actividade que a MESTRA, unha muller moi especial, organice.
Un dos "libros" máis importantes do fondo de "A Dúas"
VVAA: Érase unha vez... A Dúas, Editorial Unitariadevide, As Neves (2007)
E despois desta visita que tanto desexábamos facer, non chegou a despedida. Non, as nais de Vide "Compoñentes do Equipo da Biblioteca", nos tiñan preparada unha sorpresa moi especial. Na Casa da Auga agasalláronnos cunha magnífica actuación dunhas fantásticas pandeireteiras, e un pandeireteiro, que fixeron que a nosa visita a Vide sexa inesquecible.
Grazas a todas por facernos sentir como se fóramos uns máis do grupo.
Ata a próxima, que esto hai que repetilo!!!
Os Roteiros do 07/08
4 comentarios:
Sodes máis chulos que un oito, xeniais coma sempre.
Echo en falta la foto donde se vea a Alonso cantando o tocando la pandereta. Sería un documento gráfico inolvidable.
No anónimo/a, lo que ha sido inolvidable es presenciar la unión de estas mujeres, el trabajo que se desarrolla en esta escuela unitaria y el importante papel dinamizador de una biblioteca escolar bien llevada. Eso es enriquecedor e inolvidable.
Aquí en Vide este grupo de mulleres "inolvidables" estamos entusiasmadas. Non paramos de ler unha e outra vez a vosa reportaxe e avisar a todos os coñesidos para que nos vexan cos vosos ollos. ¡Somos internasionales!
e VOS sodes uns compañeiros inesquecibles.
Publicar un comentario